‘36 days of type’, diseñu con bones lletres

36 days of type ye un proyectu d’éxitu internacional orixinal de los diseñadores gráficos Nina Sans y Rafa Goicoechea. La idea que tuvieron va tres años foi axuntar, publicar y compartir les creaciones o visiones de los signos del alfabetu que crearen nuevos pa la ocasión otros diseñadores, ilustradores o artistes gráficos.

36-days-of-type-s 36-days-of-type-t

¿Por qué lo llamaron 36 days of type? Porque, nel plazu de 36 díes, los creativos que s’involucren nel proyectu tienen que diseñar una lletra o un númberu del 0 al 9, asina dan 36 trabayos gráficos. Amás d’enseñar los resultaos peles redes sociales, nel mes d’abril fieron una esposición de los trabayos enseñaos de manera audiovisual o impresa qu’axuntó la firma d’un un total de 216 artistes del mundu enteru.

Contemplando los trabayos d’esti proyectu vese que la bayura de llínies creatives diferentes ye ablucante nuna xera complicada como ye la creación tipográfica, anque sía con un fin artísticu. La necesidá de la xente de crear pol puru gusto de facelo, d’enseñar l’arte que fai, queda bien a la vista tamién. Non too se fai por perres, nin polos encargos de los veceros, nin pola necesidá. Siempre hai coses que se faen por ser feliz.

Be the first to comment

Leave a Reply

Tu dirección de correo no será publicada.


*