Baja California. Banda de hard rock revelación

Baja California ye una banda de rock uvieína, formada dende 2013 por Manu Roz a la voz y a la guitarra, Javi Monge como guitarra principal, Franky Martínez al baxu y Drest G. Arias a la batería. Hai unos meses incorporábase’l tamién guitarrista Miki. La formación reconoz que tien influencies clares de los grandes del xéneru, dende Bon Jovi y Guns’n’Roses hasta Gotthard y Mr. Big. Baja California, que canta en castellanu, algamo’l trunfu nel XXIX Concursu de maquetes pop-rock entamáu polos 40 Principales y l’Institutu Asturianu de la Mocedá, lo que los llevó a poder entrar nun estudiu y grabar el so primer discu nel 2014. Esti trabayu lleva de títulu La cara B del rock.

Baja California fai un soníu perpotente, con riqueza de matices, y unes lletres mui trabayaes. Temes como «Aquí estoy» o «Atrápame» son un bon exemplu. Anguaño, la banda anda metida nel estudiu preparando canciones nueves. Per otru llau, nel tarrén audiovisual, el realizador Titi Muñoz firma’l videoclip de la canción «Lejos del Final», que puede vese na so páxina web y pol que tán nominaos a los Premios AMAS 2016.

Be the first to comment

Leave a Reply

Tu dirección de correo no será publicada.


*