Documentar cachos d’infancia

Fotograma de la película 'Antoine/Milena', de Sharon Lockhart.
Fotograma de la película 'Antoine/Milena', de Sharon Lockhart.

Sharon Lockhart (Norwood, Massachusetts, 1964) ye una fotógrafa y creadora audiovisual d’instalaciones que vive y trabaya en Los Ánxeles, California. Lleva fecho esposiciones individuales en bien de países europeos. La última, Meus Pequenos Amores / My Little Loves (Mios amores pequeños), puede vese en Lisboa, nel Muséu Colección Berardo, hasta finales de xineru del 2018.

En palabres de Pedro Lapa, comisariu de la muestra, «dende 1990, Sharon Lockhart lleva dedicándose a una oservación peratenta de la vida de tolos díes de les protagonistes de la so obra a fuercia de facer películes, semeyes y instalaciones, qu’enseñen cualidaes humanes úniques al traviés de composiciones estudiaes y coreografiaes. La manera directa cola qu’encuadra les acciones más simples d’un campu cultural determináu o una comunidá, da como resultáu una esposición de cuadros vivos, que sinteticen aspectos particulares de la vida y manifiesten la oscilación ente un determín cultural y un comportamientu específicu que s’inscribe n’él».

When You're Free, You Run in the Dark, Bula, 2016
When You’re Free, You Run in the Dark, Bula, 2016

Pa la esposición de la colección Berardo, que s’articula, xunto cola presentación de la película Rudzienko, nel festival Doclisboa’17, escoyóse un conxuntu significativu d’obres rellacionaes con ella. El compromisu de Sharon Lockhart coles condiciones de vida de la infancia, qu’enseña la película, sirve de puntu de partida pa la esposición, que tamién inclúi instalaciones de les películes Podwórka y Antoine/Milena, y tamién un grupu de trabayos fechos en collaboración con Milena, una rapaza que conoció por mediación del Centru de Socioterapia Xuvenil de Rudzienko, en Polonia. Esta selección de trabayos, que percuerre diez años de producción artística de Lockhart, aborda cuestiones rellacionaes colos derechos de los neños, lo efímero y l’autoconfianza.

Meus Pequenos Amores / My Little Loves
Sharon Lockhart
Muséu Colección Berardo, Lisboa
Hasta’l 28 de xineru del 2018

Be the first to comment

Leave a Reply

Tu dirección de correo no será publicada.


*