Fala Brossa

Imaxe de la esposición 'Poesía Brossa'.
Imaxe de la esposición 'Poesía Brossa'.

Joan Brossa (Barcelona, 1919 – 1998) ye’l poeta de vanguardia catalán más importante del sieglu XX. Empezó a escribir cuando lu movilizaron na Guerra Civil. Nel 1941 fixo los primeros poemes visuales (que, daquella, llamábalos «esperimentales») y, a partir de 1950, y gracies a los contactos col poeta brasileñu João Cabral de Melo, la poesía de Brossa dio un xiru radical hacia’l compromisu social. Esti enclín tamién se manifestó n’odes, sonetos y obres de teatru d’estructura tradicional. A partir de los años sesenta esi interés convivió con una creación más conceptual, que lu lleva a esperimentar a fondu cola poesía visual y los poemes oxetu —Poemes civils (1960); El saltamartí (1963), etc.—, xéneros que yá nun abandonó nunca.

A partir de la publicación de Poesia rasa (1970), de Poemes de seny i cabell (1977), de Rua de llibres, (1980) y de los seis volumes de Poesia escènica (ente 1973 y 1983), Brossa foi imponiéndose como una de les figures capitales de la lliteratura catalana contemporánea, de la qu’empezaba a ser un artista plásticu de reconocimientu internacional.

Hasta’l 25 de febreru del 2018, el MACBA presenta Poesía Brossa, una revisión del trabayu d’esti artista al traviés de los llibros, les investigaciones plástiques, el teatru, el cine, la música y les artes d’acción de los que foi un pioneru. 

La esposición quier poner a dialogar y a confrontase la obra d’él cola de los artistes Marcel Mariën, Nicanor Parra y Ian Hamilton-Finlay.

Brossa ye poeta, pero los sos trabayos siempre tan nun cruce de llinguaxes. Collaborador frecuente d’otros artistes, y tamién de músicos, cineastes, baillarinos, humoristes y hasta de de magos, la obra d’él xuega de contino pa que ruempan les convenciones y los llinderos ente les disciplines.

Joan Brossa desendolca la so creación artística dende los años cuarenta nun contestu sociopolíticu marcáu pola dictadura franquista y nuna situación cultural que rescampla pola falta de propuestes vanguardistes y innovadores. Dende qu’empieza, Brossa fai un trabayu de renovación estética que basa na investigación lliteraria y artística. Hasta’l momentu en que muerre, la so producción, grandísima, nun dexa de buscar formas nueves d’espresión y d’esperimentación.

Nel 2011, el Muséu d’Arte Contemporaneu de Barcelona recibió’l depósitu del Fondu de la Fundación Joan Brossa, qu’atropa la manda d’esti artista. El Fondu tien obres manuscrites, documentos, correspondencia y la biblioteca personal, ente otros materiales, y ye una ferramienta única p’abordar l’interesantísimu trabayu d’esti creador barcelonés.

Poesía Brossa
MACBA, Barcelona
Hasta’l 25 de febreru del 2018

Be the first to comment

Leave a Reply

Tu dirección de correo no será publicada.


*