Fee Reega, l’ama del folk freudianu

Fee Reega
Fee Reega.

La música de Fee Reega identifícase cola manera de facer canciones de Bill Callahan o Bonnie Prince Billy, componiendo temes mui tranquilinos de mano pero que tienen muncha caña per baxo y, nun momentu determináu, revienten de repente. De la qu’empezó a dar conciertos, la cantante alemana definía la música d’ella con un nome diferente cada vez, hasta que salió la etiqueta Folk freudianu, que yá-y gustó pa usala siempre porque ye la que meyor define lo que fai, según ella.

Pa Reega, componer empezó siendo una terapia, con un aire irónicu y un trabayu creativu que fai de manera natural y directa –ensin filtros nin planificación–, sacando en cantares lo que-y perturba la mente en cada momentu y enfocando en personaxes marxinales o poco comunes sentimientos retorcíos.

Fee Reega empezó a facer música nel añu 2009. En tres años publicó cinco EPs y un álbum, toos producíos por ella y grabaos y publicaos andechando amigos músicos y sellos pequeños d’autoproducción internacionales (sobre too Woodland Recordings), unos tán n’alemán y otros n’español. Toca conciertos n’Europa y, en medio, vive en Berlin, Madrid y Asturies.

Nel 2017, fixo doblete al editar el discu Sonambulancia y publicar el poemariu Purpurina y Percebes (Canalla ediciones). Siempre-y gustó escribir, y más cantar que recitar.

portada sonambulanciaSonambulancia
Fee Reega
Editáu por Humo, 2017

Fee Reega: Lletres, voz, guitarra eléctrica y acústica
Dani Donkeyboy: Guitarra eléctrica 
Javier
Bejarano: Guitarra eléctrica
Ibán Pérez: Batería, trompeta
Niko Jones: Baxu
Dave Tunstall: Contrabaxu
Xosé Ramón Rocha: Cello

Be the first to comment

Leave a Reply

Tu dirección de correo no será publicada.


*