Héctor Jácome: el fotógrafu de lo cercano

‘Capadocia 01 y 02’, de la serie ‘Paisajes Encontrados’, d'Héctor Jácome.
‘Capadocia 01 y 02’, de la serie ‘Paisajes Encontrados’, d'Héctor Jácome.

Héctor Jácome (La Pola Ḷḷena, 1974) ta acabante publicar el llibru Pequeñas notas para una canción de invierno con Materia Editorial, un volume qu’axunta semeyes d’él que retraten la poesía visual que rescampla al mirar formes pures en contraste cola nieve. Pisaes, escaleres, xeografíes de les ceres, caminantes… cualquier cosa, sabiendo mirar, se revela como un mensaxe guapu.

Según esplicó él mesmu na presentación del llibru na Real Sociedá Fotográfica, Héctor Jácome ta interesáu «na semeya como semeya, que nun ser quier otra cosa, una semeya bona a poder ser, y, pa eso, fai falta tiempu» y reconoz que «tien una osesión cola mirada, cola mirada amplia énte la vida, cuanto más amplia meyor». Jácome namás pide a los fotógrafos naturalidá y honestidá.

Jácome trabaya casi too en blanco y prieto, exercitando la capacidá d’él pa tresformar al retratar lo que tien alredor. Considera que «lo visible ye un material inestable» y «lo non visisble ta esperando a que lo descubran». Jácome ye, en palabres d’él, un fotógrafu del entornu cercano y reconoz la capacidá terapéutica de fotografía. Defende «compartir la mirada» y trabayar en proyectos n’equipu porque nun tien egu d’autor.

A los diecinueve años empezó a facer semeyes d’arquitectura y moda. Jácome viende fotos a nivel internacional porque n’España hai poca cultura del coleccionismu.

Be the first to comment

Leave a Reply

Tu dirección de correo no será publicada.


*