L’ensame

The Hive | Foto: Dacian Groza

Nos Xardinos Botánicos Reales de Kew, en Londres, l’artista Wolfgang Buttress, a comuña col diseñador y inxenieru Tristan Simmonds, presenten la so instalación The Hive (L’ensame) hasta’l mes de payares del 2017. La construcción fíxose primeramente pal pabellón del Reinu Uníu na espo de Milán del 2015, onde llevó l’oru nos premios d’arquitectura y paisaxe.

Cuarenta y cuatro tonelaes d’alumniu con lluces leds quieren demostrar a los visitantes la importancia de protexer les abeyes. Les lluces de la instalación tán coordinaes col bufíu de les abeyes d’un trúebanu del parque, de manera tala que la xente que va vela sabe, al minutu, l’actividá que tán teniendo les abeyes.

Una propuesta pa ver, sintir, oyer y pensar. Ciencia, naturaleza, arte y compromisu medioambiental too mecío nuna construcción bien guapa.

Amás, el fotógrafu rumanu Dacian Groza foi faciendo semeyes del avance de la obra pa documentar el procesu constructivu. Nel sitiu d’él d’internet puen vese semeyes d’esta instalación.

Be the first to comment

Leave a Reply

Tu dirección de correo no será publicada.


*