Luis Miguel Suárez: miraes hermanes

Muyer de Vrindavan (La India)
Muyer de Vrindavan (La India). Foto: Luis Miguel Suárez del Río.

Luis Miguel Suárez del Río ye doctor en Xeoloxía pola Universidá d’Uviéu y foi profesor del departamentu de Xeoloxía de la universidá asturiana. Dende pequeñu tien una afición grande pola fotografía y yá de neñu enredaba cola máquina del padre. Cuando tien ocasión, fai viaxes per zones poco turístiques de países del mundu que nun tán desarollaos, porque ye a onde-y presta dir. D’esos viaxes trai munches vivencies y, sobremanera, munches semeyes que depués publica en perfiles de redes sociales.

Cuando anda pelos mercaos d’esti mundu, dispara una istantánea siempre que la foto ye bien recibida. Luismi ye un home de mirada intensa y sonrisa noble que nun ta interesáu, como fotógrafu, tanto nes piedres, nin nos paixases, como na xente. Por eso les persones que retrata deben de paga-y cola mesma moneda. Homes, muyeres, neños y neñes que nos miren col mesmu interés col que miramos.

Be the first to comment

Leave a Reply

Tu dirección de correo no será publicada.


*