Ocho conciertos pa recordar a Igor Medio y Carlos Redondo

Los díes 24 y 25 de xunu, Xixón va acoyer una edición nueva del Festival n’Alcordanza d’Ígor y Carlos, onde 17 grupos van facer presente, un añu más, la memoria d’Ígor Medio y Carlos Redondo, los músicos de Felpeyu fallecíos nel 2006 nun accidente de tráficu.

El programa de conciertos va abrilu’l vienres 24, a les 20:00 hores, el grupu ¿Aú? na llibrería-café Toma 3 (c/ Marqués de Casa Valdés, 27), al que va siguir el programáu, pa les 22:00 hores, nel bar Morrison (c/ Marqués de Casa Valdés, 7) y onde van actuar Medication/2, Black Horde y Lombardi.

El sábadu 25, l’actividá musical va empezar a les 13:00, col conciertu d’El Tamar & Jerónimo Granda nel café-bar Plaza Doze (c/ Fermín Suárez 12) y va siguir con Hebamora, a les 14:30 hores, na sidrería Canteli (c/ Almacenes, 4). Pela tarde, el café La vida alegre (c/ Bon Socesu, 8), va acoyer el conciertu de los grupos Felpeyu y Tuenda, y, a les 18:00, los soníos folk van siguir sonando nel Café Trisquel (c/ Marques de San Esteban, 30) al cargu de Les barbares barbus y Vrienden.

A les 20:00, van garrar el relevu los grupos Luís Núñez y los Folganzanes, Fredi FMM y Seesounds nel café-teatru El Patio de la Favorita (c/ Ezcurdia, 4) y, a les doce de la nueche, va empezar, na sala Savoy (c/ Cuadonga, 5) l’últimu conciertu del festival, onde van tocar los grupos Keep Karma, Sangrientos, Blue Dog Avenue y Radio Fox.

El cartel pa la edición d’anguaño ye de la diseñadora y ilustradora Gloria Caamaño (Xixón, 1972). El festival cuenta con páxina web, páxina en Facebook y cuenta en Twitter.

Be the first to comment

Leave a Reply

Tu dirección de correo no será publicada.


*