Piquinu. La vida en monte

Aarón, protagonista de Piquinu.

Piquinu ye un curtiu documental narráu en primer persona que tien de protagonista a Aarón, un mozu del Conceyu L.lena. Piquinu ye un trocín de vida cotidiana d’un rapaz que cuenta un viaxe doble, el físicu que va dende Rospaso –el pueblu ónde vive so güela– y el cordal d’Ubina, y l’interior, onde esplica la so pasión pola naturaleza, la so necesidá de xubir al monte, de tar n’él.

Piquinu fala de la grandeza de un neñu nada convecional, un críu que tien unes prioridaes y valores muy diferente del les mayoritaries d’esta sociedá de primeros del sieglu XXI.

Esti documental nació de la sorpresa del profesoráu d’un Institutu Públicu de La Pola (L.lena) énte una narración presentada por Aarón, el rapaz protagonista, a un concursu lliterariu sobre’l monte. Nel so trabayu lliterariu, tresmitía el so amor pol monte d’una manera contundente y cenciella. Y, amás, facíalo na so llingua: l’asturianu.

A partir d’ehí, les coses fueron rodando, y Sonia Fernández afitóse nun equipu formáu por Xesús Torga (guion)  y Dani Álvarez (cámara, montaxe y música orixinal) pa convertir el curtiu Piquinu nuna guapa realidá.

Be the first to comment

Leave a Reply

Tu dirección de correo no será publicada.


*