¿Qué pintar depués de toles masacres del sieglu XXI?

La Eclosión de l’Abstracción ye una muestra que pue vese nel IVAM, en Valencia, hasta setiembre del 2018. La esposición trata d’analizar les práctiques artístiques de tema abstractu desendolcaes dende la posguerra hasta agora. La muestra percuerre temática y cronolóxicamente los movimientos que surdieron depúes de la segunda metá del sieglu XX y nun contestu posterior a la Segunda Guerra mundial y la Guerra Civil Española. Los planteamientos nuevos van eclosionar auníos a les teoríes de los filósofos existencialistes, reivindicando la individualidá sobre cualquier principiu o pensamientu políticu.

La esposición parte de los años 50, coles propuestes abstractes de Hans Hofman, qu’enseñen maneres nueves d’entender l’arte y la perspectiva, y va derivando hacia otres decádes onde lo astracto fai guiños a la figuración o se convierte en menos conceptual y más surrealista, con presencia del grafiti o’l pop. Tamién hai obres que representen etapes más minimalistes o más cercanes al arte povera pa rematar con doce paneles de tela virxe o una instalación qu’usa daqué tan intanxible como la lluz. Artistes de la talla de Saura, Tàpies, Luis Gordillo, Elizabeth Murray, Oteiza, Chillida y Richard Serra tan mui bien representaos nesta muestra fecha con fondos del propiu muséu.

La Eclosión de l’Abstracción
Institutu Valencianu d’Arte Modernu
Hasta’l 16 de setiembre del 2018

Be the first to comment

Leave a Reply

Tu dirección de correo no será publicada.


*