Suellen Meski, ropa y diseñu pa otra manera de vivir

Interior de la tienda y estudiu de diseñu Suellen Meski.
Interior de la tienda y estudiu de diseñu Suellen Meski.

Suellen Meski ye l’estudio de diseñu multidisciplinar que fundó’l pintor y diseñador Juan Luis Fernández y que funciona tamién como tienda de moda. Los servicios que tien son diseñu gráficu, dirección d’arte, identidá corporativa, diseñu d’interiores, infografíes y diseñu web.

La tienda, abierta nel 2015 na cai Campoamor d’Uviéu, ye un exemplu de minimalismu na decoración. Parés blanques y suelu gris de cemento faen el contedor onde la ropa ta colingao en barres feches con tubería de cobre. Un conceptu de negociu que permite mirar y tocar la ropa con comodidá y que ta, por suerte, nes antípodes d’esa moda de les grandes cadenes de distribución d’apilar la ropa de manera que nun puedes sacalo, ver cómo ye la talla, o’l corte, o’l dibuxu porque tan les estanteríes atacaes y apetiguñaes. Eses tiendes onde naide t’atiende y el personal se dedica a colocar y a acuriosar hasta la osesión la ropa tol tiempu pa que tea d’esposición como na foto que-yos manden los estilistes al móvil. Suellen Meski ye otru mundu. Tien ropa de marques que representen otres maneres de facer, de vivir , y que munches veces nacieron de les ganes de los dueños de facer ellos les coses que-yos gustaben. Si nun topes lo que te gusta, failo tu. Esi ye l’espíritu.

Llevar unos calzonciellos Lousy Livin Underwear –diseñaos por Stefan Marx, un creador alemán que tamién trabaya pa otres marques y pa la industria discográfica– puede covertite nun rapaz diferente. Llevar unos playeros Huf –una marca fundada en California por un profesional del skate y que lleva dende los años noventa nel mercáu– puede valite pa llenar les ceres de color. Vistir una sudadera Deus ex machina –una marca australiana que fai motos, bicis, tables, patines, ropa, etc. al gustu del veceru y que cuasi ye una factoria creativa– ye gastar una prenda de calidá. Pero Suellen Meski, la tienda, ye muncho más: Buttergoods, RipNdip, Kappa… Ropa pa los amantes del surf, snow, skate y tamién pa cualquiera. Porque hai que pasar de les etiquetes.

Be the first to comment

Leave a Reply

Tu dirección de correo no será publicada.


*