Tsirku, esquiar nun glaciar imponente

Na raya ente la Columbia Británica del Canadá y Alaska, ta’l glaciar Tsirku, que ye la fonte del ríu que lleva’l mesmu nome, nos montes de San Elíes. Ye un sitiu onde cualquiera qu’esquíe o faiga snowboard suañaría con poder dir. Un equipu de The North Face y Sherpas Cinema tuvieron n’él y grabaron unes imáxes de meter miéu: naturaleza, deporte, riesgu, valor y un equipu técnicu, humanu y de medios de grandísima altura pa ser quién a consiguir un desafíu tal.

Nun fai falta dicir que la xera nun foi fácil y que-yos llevó tiempu –la paciencia ye fundamental pa dar un pasu nesti tipu de picos–, pero pol documental vese que pagó la pena. Resquiebres, airón, zones d’argayos… cambios de tiempu de contino, carretar los equipos… Xubieron a primeros d’abril del añu 2016 y echaron allá dos selmanes. Los deportistes son: Hadley Hammer, Ralph Backstrom, Sam Anthamatten y John Collinson. Una pieza audiovisual guapísima, de casi venti minutos, enséñanos la esperiencia.

 

Be the first to comment

Leave a Reply

Tu dirección de correo no será publicada.


*