Un xardín dientro d’otru xardín, arte dientro l’arte

Daniel Steegmann Mangrané nació en Barcelona nel 1977 y vive en Rio de Janeiro dende 2004. Nel 2015, Artnet News señalólu como ún de los «50 Most Exciting Artists in Europe Today». Ye l’octavu artista de la serie «Proyectos contemporaneos» del Muséu de Serralves, n’Oporto (onde se puede ver la so obra hasta’l 21 de xineru del 2018), una plataforma dinámica pa la presentación d’obres d’artistes, qu’empiecen o consolidaos, que desendolquen en disciplines diferentes formes nuves d’arte relevante enfocaes más pa la mocedá.

Les obres de Daniel Steegmann Mangrané asumen una variedá de formes que son un alcuentru ente’l mundu natural y el que la humanidá constrúi. El trabayu d’él inspírase n’histories d’abstracción modernista, de l’arquitectura y de les les organizaciones propies de la naturaleza. Les creaciones de Mangrané inclúin diseñu, escultura, lluz y audiovisual, y failes como parte d’un ambiente poéticu planiáu.

Pa la esposición que presenta en Serralves, Mangrané concibió un paisaxe vivu pa la sala central del muséu. Un pabellón de vidru que tien dientro un xardín y criatures mimétiques, una serie d’escultures, un diseñu na paré, un holograma y delles ventanes qu’alterien la esperiencia del espectador. Estos elementos toos tán entemecíos pa crear un ecosistema vivu de tresfiguraciones y metamorfosis reales o simbóliques.

Uma folha translúcida, no lugar da boca
(Una fueya tresllúcida, nel sitiu de la boca)

Daniel Steegmann Mangrané
Muséu de Serralves, Oporto
Hasta’l 21 de xineru del 2018

Be the first to comment

Leave a Reply

Tu dirección de correo no será publicada.


*