El bancu de trabayar

Ella y Ryan Zheng.
Ella y Ryan Zheng.

Ella Zheng ye una diseñadora gráfica y ilustradora de Singapur que disfruta esperimentando, faciendo manualidaes, y que busca superase. Ella formóse en diseñu gráficu y tamién moda y ve la ilustración como una aventurina onde vivir un procesu d’autodescubrimientu, de dualidá, sicodelia y un puntín de sátira. Al final ye’l públicu’l qu’interpreta lo que-y paez. Ella’l trabayu failu a conciencia, meyorándolu en cada pasu que da hasta llegar a la visión de lo que quier espresar.

Estudiu ‘The Workbenck’.
Estudiu ‘The Workbenck’.

A dúu con Ryan, l’home, otru diseñador, trabaya nel estudiu The Workbench (El bancu de trabayar), onde tamién decidieron casar el diseñu coles ilustraciones pa facer guíes y publicaciones editoriales, logotipos y desarrollu d’imaxes corporatives. Ún de los trabayos más destacaos ye la edición de Trippin, una guía pa los que tán enamoraos del diseñu onde cuenten la esperienncia d’Ella y Ryan na ciudá de Tokio (anécdotes, recomendaciones de cultura creativa y de gastronomía, etc.).

Un trabayu bien curiosu foi un cuadernín qu’editaron pa rematar una clas maxistral de diseñu de logotipos que dio The Workbench a los finalistes d’un corcursu (tamién de logos) nel Festival de la Mocedá de Singapur. La piecina ye un llibrín de trabayu (que llueu podíen quedar con él los asistentes) de poques fueyes, onde xuguen con dos tamaños de páxina y con un diseñu onde la tipografía manda. Amás la encuadernación ye manual.

Zheng tamién fundó na rede social Facebook un grupu de diseñu que se llama The desing Folder pa que la xente publique y enseñe coses inspiradores (imaxes, artículos, vídeos, etc).

Be the first to comment

Leave a Reply

Tu dirección de correo no será publicada.


*