El Premiu Taylor Wessing 2019 ye’l concursu internacional más importante de semeyes d’esti xéneru de tolos que s’entamen, y ta abiertu a participar cualquiera. Busca distinguir a la meyor semeya que sía un retratu fechu en cualquier requexu del mundu enteru. Esti premiu empezó a entamase nel añu 2003, agora lleva’l nome de Taylor Wessing porque ye’l patrocinador.
El gallardón ye un escaparate pa fotógrafos nuevos, profesionales o aficionaos, o pa talentos yá famosos, y enseña un catálogu grandísimu d’imaxes y, como consecuencia, d’histories, contaes con técniques tamién diferentes. Enseña persones soles o acompañaes en poses dende formales a espontánees. Hai semeyes d’encargu y otres de familiares o amigos.
Una esbilla de cincuenta y siete obres de toles que se presenten (unes 6.000) enséñase nuna esposición na National Portrait Gallery de Londres. Los retratos hailos de personaxes con tolos estaos d’ánimu y tan sacaos en sitios bien diferentes. El ganador lleva 15.000 llibres esterlines de premiu.
Taylor Wessing Photographic Portrait Prize 2019
National Portrait Gallery, Londres
Del 7 de payares del 2019 al 16 de febreru del 2020
Leave a Reply