Jonathan Hevia lleva’l premiu a la meyor semeya creativa d’España

Imaxe ganadora del premiu en creación llibre.
Imaxe ganadora del premiu en creación llibre.

Jonathan Hevia ye de Ribeseya y nació nuna familia de fotógrafos: él ye la cuarta xeneración. L’interés poles maneres de trabayar del güelu y del bisgüelu lleváronlu a facer semeyes cola técnica analóxico. Por esi rixu polo antiguo nacieron tamién los fotomatones de madera y d’estética retro que son un éxitu nes bodes. Como les mentes creatives nun paren, de los fotomatones nació la idea de convertir una caravana nuna cámara de retratar antigua. La Mamut, qu’asina ta bautizada la caravana/cámara escura, foi un procesu difícil y que llevó muncha xera y furrula per eventos, congresos, colexos y más sitios faciendo semeyes y revelándoles como se facía antaño.

Hevia lleva ganaos dellos premios de los qu’entama la Federación Española de Profesionales de la Fotografía y la Imaxe, en delles ediciones. Esti 2019 llevó dos, unu a la calidá fotográfica y otru, mui especial, na categoría de creación llibre. Un coche antiguu neváu y un paragües son los únicos elementos d’un espaciu blanco vistu dende arriba.

Be the first to comment

Leave a Reply

Tu dirección de correo no será publicada.


*