La codificación como propuesta artística, nel Pompidou

La esposición Mutaciones / Creaciones, Codificar el mundu, que se puede ver hasta’l 27 d’agostu nel centru Pompidou de París, presenta un repasu a la creación dixital contemporánea en delles disciplines. La muestra ye una mirada a la historia del códigu dixital y a la manera como los artistes lo lleven aprovechao dende qu’apaecieron les primeres computadores na década de los años sesenta.

La esposición revela un universu estéticu y críticu común que cuestiona la nuestra vida de tolos díes por completo, regada y reglada pola lóxica dixital. La esposición ta articulada en seis llinies cronolóxiques, que revelen correspondencies múltiples na lóxica de la creación y ufren una llectura global de lo que constitúi una cultura de lo dixital. La muestra del centru Pompidou abarca disciplines diferentes como la lliteratura, l’arquitectura, el diseñu, la música, la danza y los llinguaxes, y compleméntase con alcuentros, instalaciones astístiques y proyecciones.

 

 

Mutaciones / Creaciones, Codificar el mundu
Centru Pompidou, Paris
hasta’l 27 d’agostu

Be the first to comment

Leave a Reply

Tu dirección de correo no será publicada.


*