Les ilusiones óptiques de Jan Kriwol

Fotografía de la serie ‘Prismat’, de Jan Kriwol.
Fotografía de la serie ‘Prismat’, de Jan Kriwol.

Prismat ye una serie de fotos de Jan Kriwol inspiraes por Tokio, ciudá na que de casualidá acabó echando unos díes esti fotógrafu que vive en Varsovia. Les semeyes enseñen la relación ente’l sol y el movimientu. Les solombres de colores nacieron pa que se diera un diálogu cola arquitectura de formes y materiales duros que tienen los edificios que tán nel cruce ente les cais Shibuya y Daikanyama (nun azona comercial de la capital del Xapón), pero tamién podíen definise estos rastros humanos de manera más poética como «posibilidaes de solombra».

Coles semeyes editóse una catálogu que sofitó la marca de ropa polaca PLNY que tamién sacó una edición tasada de sudaderes en cuatro colores. Una de les fotos tamién acabó estampada nun modelu de camiseta.

La carrera d’esti fotógrafu foi siempre enriba de cuatro ruedes porque va alpariada al desarrollu de la escena del skate polacu. La visión artística de les obres que publica ta mui influenciada pola vida urbanita y de los monopatineros. Tamién la estética de los cómics y les maneres de vivir de los más mozos son una fonte d’inspiración pa Kriwol, que presenta siempre unos trabayos gráficos enllenos d’ilusiones óptiques y bromes visuales pero remataos con una finura de primera y con muncha intelixencia.

Catálogu ‘Prismat’, de Jan Kriwol. Retoque: Iza Zembrzuska. Diseñadora del catálogu: Olga Werniewicz.
Catálogu ‘Prismat’, de Jan Kriwol. Retoque: Iza Zembrzuska. Diseñadora del catálogu: Olga Werniewicz.

Be the first to comment

Leave a Reply

Tu dirección de correo no será publicada.


*