Rellumos de lluz morao

Trabayu fotográficu de Dangiuz.
Trabayu fotográficu de Dangiuz.

Pintar, retratar, dibuxar, grabar, en dos y tres dimensiones ye’l retu de los artistes dende siempre. Que les coses paezan lo que son o paezan otra cosa diferente. Que falen de maneres distintes. ¿Ye cómic?, ¿ye foto?, ¿ye cine?, ¿ye videoxuegu? En verdá, ye la representación de la realidá como una mentira, o la representación de la mentira como una realidá. Engañar al güeyu.

El trabayu d’un rapaz mui nuevín, Leopoldo D’Angelo –conocíu col nomatu de Dangiuz–, ye’l d’un artista con esperiencia nel diseñu gráficu, especializáu nes tres dimensiones, que representa lo difícil que ye estremar delantre de qué tamos. Estereotipos del cine americanu, de l’animación manga mecío coles series de televisión. Coches, motos, rellumos de lluz y el color de la nueche y de los focos allumando. Señales de peligru.

Dangiuz, con ferramientes dixitales, fai ilustraciones, animaciones, imaxes, anuncios y demás coses. Tien collaborao con Paris Fashion Week, Maecenas Studio, Nessly, JackEL y TadYellow.

Be the first to comment

Leave a Reply

Tu dirección de correo no será publicada.


*