Sterling Ruby: Un universu ensin xerarquía nin llinderos

Instalación ‘SPECTER’, de Sterling Ruby.
Instalación ‘SPECTER’, de Sterling Ruby.

Sterling Ruby ye un artista plásticu americanu del norte. Ye ún de los creadores más valoraos del momentu y trabaya con cualquier material, dende lo más tradicional a coses que nun son convencionales. En xeneral, usa tela, barru, aluminiu o bronce pa consiguir obres de formatos bien estremaos, instalaciones, escultures, collage, videu y semeyes.

‘Double Vampire 6’, de Sterling Ruby.
‘Double Vampire 6’, de Sterling Ruby.

Polo xeneral, suel usase pa definir l’arte de Ruby la etiqueta de «post-humanista», un términu que nació pa describir una sociedá que, gracies al desarrollu que nun tien parada de les tecnoloxíes, avanzó más allá de les categoríes propies del ser (por exemplu, no referente al tiempu y al sitiu).

Pa Ruby, nestos tiempos «hai demasiada información pa que daqué sía coherente o completo». Los trabayos artísticos d’él impliquen una combinación de investigaciones filosófiques y tamién materiales (les últimes impliquen la reutilización y combinación interminable de técniques y medios de comunicación, dando como consecuencia una construcción que ye deconstrucción constante, enseñando un universu que nun tien xerarquía nin llinderos). Les creaciones de Sterling tienen, polo xeneral, una carga política bastante alta y xeneren discursos artísticos que reparen en coses variaes, dende les condiciones tan dures nes que viven los presos estaounidenses hasta reflexones sobre lo peligroso que ye’l patriotismu manifiestu. El discursu artísticu d’esti creador siempre se llevanta enriba la socioloxía, sacando al aire les cares más escures del comportamientu humanu, n’especial el de los americanos de los Estaos Uníos.

Sterling Ruby.
Sterling Ruby.

Ruby nació nel 1972 nuna base de la Fuercia Aérea americana en Bitburg, Alemaña, y trabayó na construcción enantes d’empezar na escuela d’arte. Esa profesión va tar siempre presente na obra d’él. Graduóse nel Institutu d’Arte de Chicago nel añu 2002 y, depués, estudió nel Art Center College of Design en Pasadena. Les obres d’él tán presentes nes colecciones del Muséu Whitney de Arte Americanu en Nueva York, el Muséu d’Arte del Condáu de Los Ángeles y el Muséu d’Arte Moderno de Nueva York, ente otros más.

Be the first to comment

Leave a Reply

Tu dirección de correo no será publicada.


*