Flekar, el pop de voz gorda y serena que llega del xelu

Flekar.
Flekar.

Flekar ye una banda d’indie-pop d’Islandia qu’amiesta sones sintéticos y acústicos nun trabayu musical onde la indiferencia y la ironía pulen les lletres (que canten n’inglés).

La historia del nacimientu d’esti grupu empezó nuna motuca que conducía per carreteres retorcíes y enllenes de polvu nuna parte perdida del este d’África Vignir (voz y guitarra). Ellí nacieron les primeres canciones, mientres el cantante decidía qué facer cola vida. Depués de volver pa casa, Vignir marchó del trabayu, dexó la banda onde tocaba, acabó la rellación amorosa que tenía, quedó ensin perres y diose cuenta de que necesitaba empezar otra vez. La música presentóse como una solución. Los amigos y les almes paecíes xuntáronse. Sibbi foi’l primero n’apuntase y tocaba’l baxu. Él sacó la forma de los sones de Flekar. Les melodíes viaxaron entós pa otros sitios porque llegó Skúli cola batería y cola mirada positiva.

Anque los mundos sonoros de cada tema de Flekar tan pensaos al detalle y bien orquestaos, la producción del discu escapa de los grandes adelantos y entrégase al lo-fi, siendo quién a casar un mecanu de pieces de pop poco vistu con munchos elementos de folk y psych.

El primer discu d’esti tríu nórdicu salió pa primeros d’ochobre y titúlase Swamp Flowers.

 

Be the first to comment

Leave a Reply

Tu dirección de correo no será publicada.


*