Toma 3, un bar y centru cultural de Xixón

Toma 3, Xixón.
Toma 3, Xixón.

Si a ún-y presta un bar guapu puestu, cola lluz afayadiza, con bona música, con madera pa ver y pa tocar, con llibros pa ver y pa mercar, con presentaciones de llibros y discos, con conciertos n’acústico de músiques bien diferentes, si a una-y presta too esto, el sitiu perfectu pa parar ye’l Toma 3, en Xixón.

Esti negociu, que ya fixo seis años, tien, seguro, la meyor programación cultural d’Asturies. Con unes propuestes fresques y variaes, nel Toma 3 hai presentaciones y prebes de comida cocinao pa tolos gustos y de toles partes: oriental, occidental, del norte y del sur. Lo mesmo tienen tortos veganos que tacos mexicanos.

El Toma 3 ye una referencia tamién pa los medios de comunicación, y munches veces emisores de radio faen los programes dende ellí, o publicaciones entamen conciertos nel bar. Tamién ye sé del festival de cine de Xixón o emite curtiometraxes. Tamién ye una bona escuela pa deprender idiomes colos grupos que s’axunten ellí pa eso. El Toma 3 ye un sitiu con alma onde pasar la vida, y ye ún de los pocos sitios d’Asturies (esa tierra de xente mayor y emigraos mozos) onde pasen coses creatives. Un escaparate pa los que tán equí y una parada pa los que van de pasu. El Toma 3 ye un bar guapu y una manera rica de ser y de tar.

Toma 3
Marqués de Casa Valdés, 27
Xixón

Be the first to comment

Leave a Reply

Tu dirección de correo no será publicada.


*