Genovés: Ún ente cero igual a tres

Esposición ‘La unidá dividida ente cero’ nel Centru Niemeyer.
Esposición ‘La unidá dividida ente cero’ nel Centru Niemeyer.

La esposición La unidá dividida ente cero, que se pue ver nel Centru Niemeyer d’Avilés hasta’l 2 de febreru del 2020, axunta pela primer vez obra del artista Juan Genovés coles de tres fíos d’el: Pablo, Silvia y Ana. La unidá dividida ente cero ye la fórmula matemática que garraron pal títulu porque-yos val pa desplicar la dinámica que los xune como familia y como artistes.

L’amuesa enseña cuadros de Juan Genovés sobre dos de les temáticas d’él que más-y presten: la xeometría y el drama humanu. La simbiosis ente estes dos víes d’espresión ta tamién presente na obra escultórico y les instalaciones d’Ana Genovés. Siguiendo nesi contestu dramáticu, les semeyes de Pablo Genovés planteen una revolución contra a les tradiciones asentaes. Amás, los vídeos de Silvia Genovés aporten una manera de ver les coses con humor y, a la vez, con muncha crítica a la manera de vivir.

La esposición inclúi tamién la instalación Abrazu-Desabrazu (2019), fecha a partir de L’abrazu (1976), una de les obres de Juan Genovés que se convirtieron nun iconu y que se tien por un símbolu de la Transición española. Gracies a la collaboración de Juan, Pablo y Ana, el Centru Niemeyer presenta esti cuadru reproducíu y, d’espalda, los visitantes van topar l’adaptación bien triste d’una fotografía de Pablo Genovés. En xunto, pue vese una metáfora del panorama internacional d’anguaño y de la simplificación de los símbolos históricos.

La unidá dividida ente cero
Juan Genovés, Pablo Genovés, Silvia Genovés y Ana Genovés.
Centru Niemeyer d’Avilés.
Del 14 de xunu del 2019 al 2 de febreru del 2020.

Be the first to comment

Leave a Reply

Tu dirección de correo no será publicada.


*