Nouvelle étiquette: facer diseñu mirando pal arte

Trabayu de Nouvelle étiquette pal Week-end de l’art contemporain Grand Est.
Trabayu de Nouvelle étiquette pal Week-end de l’art contemporain Grand Est.

Nouvelle étiquette ye una estudiu de diseñu gráficu asitiáu en Metz, Francia, y en Berlín, Alemania. Son cuatro socios –Émilie, Francis, Julie y Xavier– que tienen el mesmu impulsu: la creatividá, trabayar munches disciplines creatives diferentes y la calidá. Lleven dende’l 2013 faciendo trabayos gráficos p’asociaciones culturales, instituciones públiques y empreses privaes.

Nouvelle étiquette ta pensao como un sitiu pa trabayar y tamién pa esperimentar y investigar. Gasten muncha sensibilidá pa l’usu de les tipografíes y miren muncho pa inspirase pal arte contemporaneu y pa la lliteratura. El resultáu ye un diseñu allegre y que llega con facilidá. El contactu de los socios d’esti estudiu coles escueles d’arte ye constante pa tresmitir, repartir y meyorar el conocimientu del diseñu gráficu.

De los últimos trabayos d’esta axencia destaquen el folletu-revista que diseñaron pal Fin de selmana del Arte contemporaneu Grand-Est, un eventu qu’entamen a tres bandes instituciones d’esta rexón alministrativa de Francia dedicaes a la difusión del arte. El festival ye un fin de selmana enteru sincronizando les actividaes artístiques y faciendo dalgunes a comuña (proyecciones, presentaciones, conciertos y demás).

Pa esti encargu, Nouvelle étiquette tuvieron «carta blanca» pa facer un trabayu artísticu tamién colos materiales de difusión. El resultáu foi una publicación paecida a un periódicu usando dos colores degradaos. La idea ye que p’años venideros se siga con esti formatu conservando ún de los colores y cambiando l’otru. Les páxines centrales preparáronse pa valir de cartel.

Be the first to comment

Leave a Reply

Tu dirección de correo no será publicada.


*